​ESET NOD32 vs KASPERSKY

Ayting-chi, siz qaysi antivirusdan foydalanasiz? Kompyuterni sal-pal tushunganlar darrov sizga o'zlari foydalanadigan antiviruslarni taklif etishadi, ba'zi bezroqlari esa so'rab o'tirmasdan o'rnatib ham berishadi. Kimdur ESET NOD32 ni maqtasa, boshqalar Kaspersky ni "eng zo'ri" deyishadi. Quyida men sizga bu ikki antivirus haqida o'zimni xolis fikrim keltiraman.

Antiviruslar 5 ta parametr bo'yicha solishtiriladi:

  • 1.Dizayni
  • 2.Ishlash va virus qidirish tezligi
  • 3.Qo'shimcha imkoniyatlari
  • 4.Viruslar bazasi imkoniyatlari
  • 5.Moliyaviy qismi

1. Bu ikkala antivirus ham zamonaviylashgani sari dizayn jihatdan soddalashib borishgan, ortiqcha, foydalanuvchi tushunmaydigan, ko'p qo'llanilmaydigan funksiyalar ko'zdan panaga berkingan.

ESET NOD32 va Kasperskyning dizayni boshqa antivuruslarga nisbatan ancha sodda va tushunarli. Kerakli narsalarni topish sizga u qadar qiyinchilik tug'dirmaydi. "Qidiruv" funksiyalarining oldi oynalarda joylashgani bu antiviruslardan foydalanishda ancha yengillik yaratadi. Boshida Kasperskyda qizil rang juda ko'p ko'zga tashlanardi, qizil hoshiyalar, qizil tugmalar va shu kabi belgilar Kasperskyning asl dizayni edi. Lekin, vaqt o'tgan sari Kaspersky imkon qadar och yashil rangga o'zgartirdi. NOD32 esa boshidan shu rangda edi.

2. NOD32 – Kasperskyga nisbatan tez ishga tushadi va tizimga yuklamasi har daqiqa kamayib boradi, yangilanish olib turganda foydalanuvchi deyarli sezmaydi, turli xato yoki shu kabi holatlarda esa soddagina yozuvlarni aks etadi. Kasperskyda esa aksincha, foydalanuvchi qancha ko'p fayllarni ochsa shuncha tizimni og'irlashtiradi, agarda biror bir xato yuzaga kelsa yoki kompyuter internetga ulanmagan bo'lsa – "voxima" solishni boshlaydi.
Qidiruv tizimiga kelsak, ESET – Kasperskyga qaraganda tez qidiradi, lekin samarasi jihatidan nisbatan past hisoblanadi. Kaspersky juda uzoq vaqt tekshiradi, lekin nisbatan ko'proq xatarli fayllarni topadi. Shunga yarasha tizim yuklanadi va qotadi.


3.ESET da tashqi portlarni (fleshka portlari, diskovod) bloklash imkoniyati mavjud, qo'shimchasiga yangi versiyalarni tarmoqni ko'proq nazorat qilish imkonini beradi. Kasperskyda esa tizimni qayta tiklash, bulutli himoya va shu kabi noodatiy imkoniyati mavjud.


4.Yangilanish (Обновление) ni olishi bo'yicha Kaspersky juda katta masalani oldinga qo'yadi – Litsenziya masalasi! Agarda NOD32 ning eski versiyalari hech qanday litsenziyasiz viruslar haqida axborotlarni yangilasa, Kasperskyda bu juda qiyin masala, hatto eski versiyalari ham bazani yangilash uchun litsenziyali kalitni talab qiladi, aks holda qidiruv tizimi samarasi ishlaydi, ko'p holatda shunchaki ishlamaydi! Bundan tashqari, ESET ning eski versiyalariga yangilanishni qo'lda kiritib, internetsiz joylarda ham undan foydalanishni imkoni bo'lsa, Kasperskyda bu ishni amalga oshirish juda juda qiyin, amalga oshirganingizda ham samaradorlik darajasi ESETga qaraganda ancha past bo'ladi!


5.Endi gap litsenziyali kalitni sotib olish haqida ketadi! Yangi chiqayotgan ESET antiviruslari huddi Kaspersky kabi foydalanuvchi litsenziyali kalitni olmagunicha bazani yangilashga, viruslarga tekshirishga imkon bermaydi. Lekin ESETning ustun tomoni shundaki, uning kalitlarini bemalol internetdan tekinga topsangiz bo'ladi (to'g'ri faqat 1 oy muddatligini, xolos). Kasperskyning kalitlarini ham internetdan topishingiz mumkin, lekin ESETdan farqli ravishda kalitlar qalbakiligi tezda fosh bo'ladi va antivirus litsenziyali kalit qo'ymaguningizcha ish faoliyati samarasini kamaytiradi yoki kalit qalbakiligi haqidagi e'lonini chiqaraverib sizni "qon" qiladi!

Yuqoridagi gaplardan qaysidur antivirusni maqtash yoki yomonlash niyatim yo'q. Agarda sizda kuchli kompyuter bo'lsa va siz moliyaviy tomondan qiyinchiligingiz bo'lmasa Kaspersky o'rnating, agarda sizga ortiqcha xarajatlar yoqmasa va kompyuteringiz ham oddiyroq bo'lsa unda ESET NOD32 siz uchundir!

Siz qaysi antivirusni tavsiya etasiz? Fikringizni izohda qoldiring.


Joker

Muallif haqida

Joker


Blogdagi so‘nggi maqolalar:


Fikrlar 3

Benyamin
Benyamin
Assalomu alaykum. Maqolangiz uchun tashakkur. Antivirus bugungi kunda biladigan inson uchun ham bilmaydigan inson uchun ham anchagina zarur vosita. Shunday ekan men barchaga (biladigan masterlar bundan mustasno) ESET ni tavsiya qilgan bo'lar edim. Chunki bizning qiziquvchan xalqimiz kompyuter/noutbuk olishi bilan unga albatta o'yin , kino va shu kabi yuqori hajmli fayllarni o'zining qurilmasiga saqlab qo'yishadi. Xattoki D diskga ham saqlamasdan C diskga (ish stoliga) saqlab qo'yilgan holatlarni ham kuzatganmiz , bunday holatda albatta kompyuter qotib ishlashni boshlaydi. Kompyuter kuchli bo'lsa ham uning ish stolida fayllar ko'p bo'lsa albatta kompyuter qotib ishlashi mumkin. Maslahatim ESET ishlatgan ma'qul. Yoki bo'lmasam kompyuterni ishlatish bo'yicha yo'riqnomalarga amal qilinsa maqsadga muvofiq bo'lar edi.
SuReMan
SuReMan
Eset endpoint security Judayam samarali va oson. Spy.uz saytidan olingan versiyasi esa tas-ixdan yangilanishi bu juda ham quvonarli holat.
Nurulloh
Nurulloh
Bu ikki ntivirusn ham sizlarga tavsiya qilmayman. Eng yaxshisi Total Security 360. Sodda, tez, va juda ko'p qo'shimcha funksiyalidir
Iltimos, fikr bildirish uchun saytga kiring yoki ro‘yxatdan o‘ting!